چگا سهوز1
ظاهر سارايي
چگا سهوز
دهم ئێوارهسه، هايمه چگاسهوز1
دو، سێ دووسيمن و كول ده سهفا سهوز
كهمێ تووزينه ئهڵبهت ئاسمان و
نيه جوور ئهوهڵ دار و دغا2 سهوز
تهل دار بهڕۊ، وهڵنگ گهر گۊج3
ئهڕا چه زهرد بووگ و نهو ئهڕا سهوز
دو وهڵنگ يهێ پهلِ دارِ زهمانن،
وههار و سهردهوا؛ ئهۊ زهرده يا سهوز
چگاسهوز دڵهيل ئيمه بيلا
ده واران خوهشي، بوو ئهێ خودا سهوز
چهم كاڵ كهسێ كهفته خێاڵم
كهليمهيلم كولێ بۊن ده پهڕا4 سهوز
ده بان ئهو نهره كهشكا بكردام5
ده شان ئهو گوڵه جوور گيا سهوز
ده نام ئێ ڕهنگهيله خوهشتره كام؟
ئهگهر پرسي ده م، ئۊشم ولا سهوز
شهكهت نهۊت ئێقره هه زهرد ئهڵاتي،
خوهره نازارهگه! جارێ ئهڵا سهوز
ژهنگ6 شهو پاك كه ده جامهك ڕووژ
نيه زمڕووت دڵ بێڕووژنا سهوز
گوڵهيل زهوقمان كهشكا بكردان
ده دهيشتهيل خوهش بێسهردهوا سهوز
خوداوهندا بلا واران بوارێ
بوارێ تا بمينێ ئێ چگا سهوز
ــــــــــــــــــــــــــــــــــــــــــــــــــــــــــــــــــــــــــــــــــ
1- چگاسهوز: تفريحگاه جنگلي معروف حاشيهي جنوبي شهر ايلام./ 2- دار و دغا: درخت و گياه و هرنوع روييدني./ 3- زالزالك. 4- از دم سبز شدند. 5- نهر: پشته و بلندي./ 6- زنگار و سياهي.
