ئەڕا لەرزی زەمین دە ژێر پامان
ئەڕا لەرزی زەمین! دە ژێر پامان
چ خاوێ دیتە هەم ئمشەو ئەڕامان
زەمین! ت داڵگ ئیمەی، ئەڕا چە
دە ناکامەو کوشی باوگ و برامان
نیەزانم خۊن کی خوازی دە ئیمە
نیەزانم قەرت چە دیری دە لامان
زەمین! دی بەس بکە ئێ زڵم و زوورە
چەسە ئاخر خەتامان و گونامان
دڵت چۊ بڕۊه 1کەێ ئەێ بێمرووەت!
بوەیتەو ژێرِ گل نازکْ نەمامان 2
دڵِ تِ دە خەزەو ژەنیاگه؛ ڕا یە
گڕێ نیەیلی دە دنیا دڵنێامان3
دە وە ترسم ک یەێ ڕووژێ بسووزی
وە ئاهـ و ئاگر نووڕو نزامان 4
فرێشتە بۊمنە، ئۊشن زەمانێ
گونا کردیمنەو دانە سزامان؛
چە بۊ ئاێم دە ئەو دارە نەخواردا
نەکردا وە بەڵاێ تو موبتەڵامان
تەک و تنیایمن ئیمە دەێ جهانە
تەک و تەنیا، خوەمانیم و خودامان
زهمین ها ژێرپامان و دە بانەو
دوارِ ئاسمانە سەرپەنامان
نییمن دڵنێا دە ئێ زەمینە
گڕ یەێ جا بڕێ دە گیان تەمامان6
مەلەرزن ئەێ زەمین ماڵ خوەشیمان
مەشێون ئەێ زەمان لێز سەفامان
ــــــــــــــــــــــــــــــــــــــــــــــــــــــــــــــــــــــــــــــــــــــــ
1- چه جوري دلت ميآيد. 2- كنايه از جوانان و نوجوانان. 3- دل تو از غضب و فاجعه ساخته شده است، به همين خاطر لحظهاي ما را آسوده نميگذاري. 4- نگرانم كه روزي آتش آه ما تو را بسوزاند. 5- دوار يا دهوار: خانهي عشايري مناطق غرب كشور كه از موي بز بافته ميشود.چادر آسمان سرپناه ما است. 6- از زمين مطمئن و خاطرجمع نيستيم؛ چنانكه طمعي و اميدي به جان خودمان نداريم.
